የመክፈቻ መርሐግብር
ዓመታዊው የፋይናንስ ዕውቀት ሳምንት 2018 መክፈቻ መርሐግብር በጋምቤላ ክልል በጋምቤላ ከተማ
የ 2018 አገር አቀፉ ዓመታዊው የፋይናንስ ትምህርት ሳምንት ዘመቻ በኢትዮጵያ ብሔራዊ ባንክ የተዘጋጀ ሲሆን በተባባሪነት በፋይናንስ ዘርፍ የሴቶች ጥምረት (NEWFin)፣ የተባበሩት መንግስታት ካፒታል ልማት ፈንድ(UNCDF) ሰዊፍት(SWIFT) ፕሮግራም የክልል መንግስታትና የፋይናንስ ተቋማት ይሳተፋሉ፡፡ መሪ ቃሉ “የፋይናንስ ትምህርትን ማጎልበትና የደንበኞችን ጥበቃን ማጠናከር” ሲሆን ዋና ዓላማውም አገር አቀፉን የፋይናንስ ትምህርት ስትራቴጂ መሠረት በማድረግ የወጣቶችን የፋይናንስ ደህንነት ማሳደግና በአገር አቀፍ ደረጃ የፋይናንስ ተደራሽትን ማስፋት ነው፡፡
የዚህ ዓመቱ ዘመቻ በዋናነት ትኩረት ያደረገው የሞባይል ገንዘብ ትምህርትና የደንበኞች ጥበቃ ላይ ሲሆን በዚህም ወደ 3 ሚሊዮን የሚደርሱ ወጣቶችን ከነሱም ውስጥ ግማሽ የሚሆኑ ሴቶችን ማእከል አድርጓል፡፡ ለመድረስ የታቀደውም በማህበረሰብ አቀፍ ወርክሾፕ፣ በወጣቶች አቅም ግንባታ ፕሮግራም፣ የጎዳና ላይ ትዕይንቶች፣ በመገናኛ ብዙሀን በሚተላለፉ መልዕክቶችንና በፋይናንስ ተቋማት በሚካሄዱ የሂሳብ ማስከፈት ዘመቻዎች ነው፡፡
የተለያዩ የህብረሰብ ክፍሎችን ተደራሽ በማድረግና የደንበኞች ጥበቃን በማሳደግ የ 2018 ዓመታዊው የፋይናንስ ትምህርት ሳምንት የፋይናንስ አካታችነትን በማጠናከርና የፋይናንስ ደንበኞችን ዕምነት በመገንባት እ.አ.አ በ 2030 ለመድረስ በታቀደው የፋይናንስ አካታችነት ግብ ላይ የበኩሉን ድርሻ ያበረክታል፡፡
