ዓመታዊው የፋይናንስ ዕውቀት ሳምንት በኢትዮጵያ ብሔራዊ ባንክ የሚመራ አገር አቀፍ የግንዛቤ መፍጠሪያ ዘመቻ ነው፡፡ መሠረት ያደረገው ብሔራዊውን የፋይናንስ ትምህርት ስትራቴጂ ሲሆን ከፋይናንስ አካታችነት ስትራቴጂ 2 ጋርም የተዛመደ ነው፡፡ የዘመቻው እቅድም የፋይናንስ ግንዛቤን በማሻሻል፣ የደንበኞችን ጥበቃ በማጠናከርና የዲጂታል ፋይናንስ አገልግሎቶችን በማስፋፋት የዜጎችን የፋይናንስ ደህንነት ማሻሻል ነው፡፡ የ 2018 ዘመቻ በዋናነት ትኩረት ያደረገው ስለሞባይል ገንዘብ ማስተማርን ሲሆን ትኩረቱም ሴቶችን፣ ወጣቶችንና በአግባቡ የፋይናንስ አገልግሎት ያልተዳረሰባቸው የህብረተሰብ ክፍሎችን በፋይናንስ ሥርዓቱ ተደራሽ ማድረግና እምነት እንዲኖራቸው መደገፍ ነው፡፡

የፋይናንስ ትምህርት ሳምንት በዋናነት የፋይናንስ ተቋማትን፣ የመንግስት አካላትንና የልማት ድርጅቶችን በጋራ በማገናኘት በአገር አቀፍ ደረጃ የተቀናጀ የፋይናንስ ትምህርት መልእክቶችን ያስተላልፋል፡፡ ከዚህም ባሻገር በጾታ የተከፋፈለ መረጃ በማጠናከር ዘመቻው አካታች የሆነ የሚላካ በአገር አቀፍ ደረጃ ቅድሚያ የሚሠጠው መሻሻልን ለማምጣት አልሟል፡፡ በዚህም ዘመቻው አገሪቱ በረጅም እቅድ የያዘችውን ጠንካራ፣ ለሁሉም ተደራሽና ፍትሀዊ የሆነ የፋይናንስ ሥርዓት የመገንባት ራዕይን ያግዛል፡፡